Ronaldo Vivo (Jr.)

 Agad na kinontak ni Reynold ‘‘Rey’’ Ventura, isang hardware owner, ang mga kaibigan ng anak niyang si Alison, isang gabing hindi ito umuwi. Pero lahat sila, walang ideya kung saan ito naroon.

Mula sa isang unsent message ng anak sa Facebook Messenger, sisimulang pagtagpi-tagpiin ni Rey ang mga pangyayari. Sa tulong ng matalik na kaibigang si Benjo, isang ‘‘BPO Yakuza’’ kung tagurian, tutuntunin nila ang kinaroroonan ni Alison. Sa biyaheng ito, matutuklasan nila ang tunay na silbi ng martilyo.

Ang Bangin sa Ilalim ng Ating mga Paa

Isang holdaper ang masasangkot sa krimeng hindi niya ginawa. Sa tulong ng isang kaibigan, susubukan nilang linisin ang anumang ebidensiyang maaaring magdiin sa kaniya. Ngunit sa paglilinis na ito, isang mas marahas na katotohanan ang sasambulat sa kanilang harapan.

"Hinahamon tayo ng akdang ito, madilim na madilim, may ipinapasilip, may ipinapaunawa. May mga nagsasakdal, tayo ang nasasakdal, paano itatanggi? Sa’n nagkamali, saan nagkulang? Saan tayo pupunta kung ayaw manatili sa dilim? Tayo’y may iisang uniberso, kasali rin ang mga hindi natin nakikita o ang ayaw nating tingnan. Salamat, Ronaldo Vivo, Jr. sa iyong panliligalig, may mga mauuntog, sana’y may matauhan." -Jun Cruz Reyes

Ang Kapangyarihang Higit sa Ating Lahat

Ang Ilusyon sa Kulay ng Ating Budhi

Sa pagputok ng Himagsikang Pilipino noong 1896, isang mag-iitik at contrabadista sa Bayan ng Pateros--na kapuwa nag-aasam ng mailap na katarungan--ang makatutuklas ng pamamaraan upang masilayan ang Diyos. Sa pagbagsak ng Sanggunian sa kamay ng pinagsamang puwersa ng pamahalaang Kastila at Simbahang Katolika, ipakikilala nila ang Kristong kanilang nakita.

Ang "Narkokristo, 1896" ang unang aklat sa TRILOHIYANG ARSON. Ang Trilohiyang Arson ni Ronaldo S. Vivo, Jr. ay serye ng mga nobelang historikal na nakatali sa tema ng arson—sa metaporikal at metapisikal nitong katuturan. Isa itong pagsisiyasat sa trauma ng nasyon na nag-ugat mula sa pananakop ng mga Kastila, Amerikano, at Hapones. Buhat sa kamalayan ng isang ordinaryong Pilipino, iinog sa tatlong nobela ang diskurso ng pagkabulok ng isang lipunan na minamaniobra ng dahas, mula noon hanggang kasalukuyan.

Narkokristo

Kalansay na ang mga labi ni Divine Amadeo nang matagpuan sa isang tambak sa C-6, malapit sa Silveria Fields. Ngunit hindi naniniwala si Dondi Amadeo, isang pharmacist, na sa kapatid niya ang nahukay na kalansay. Hinala naman ng investigative journalist na si Marisol Gatdula, may kinalaman si Dondi sa pagkamatay ni Divine. Sa tagisan ng katuwiran at pagsisiyasat, sasagasa sa landas nila si Boni Fly, isang ex-convict, na kapwa naghahanap ng mga kasagutan tungkol sa karumaldumal na sinapit ng kaniyang anak.

Ronaldo Vivo (Jr.)

About

Books

Join the club