Name: ام ميمي
ISBN: 9789933655525

فضل، بلال - Belal Fadl

ام ميمي

shoug

كعادة الرواة المصريين ، رواية خفيفة الظل ذات حوارات فكاهية ، تأخذنا إلى جو الاحياء الشعبية المتشعبة ومشاكل العامة والاحداث التي لا تخلو من حس فكاهي و غرابة .

Habiba Mohamed

الفكره حلوه و الكتاب كان بدأ بدايه كويسه من حيث ان الشخصيات مكنتش سطحية اوي و الاحداث الي حد ما كانت مشوقه لحد نص الكتاب تقريبا كل ده اختفى الشخصيات بقت سطحيه جدا و الاحداث بقت يا مش بيحصل حاجه يا تكرار 
اسلوب الكتابه ركيك جدا و منجحتش في ان اتواصل مع الشخصيه الرأسيه و مش بقول كده عشان الالفاظ اللي فيه بتكلم على وصف الكاتب نفسه اللي كان بكتب بالعاميه كتير في النص مش في الحوارات ،كان بيستخدم كلمات و اوصاف صغيفه مش بتوصل معنى قوي

Miyamoto Musashi

أول مرة أقرأ حاجة لبلال فضل، وحقيقي تجربة ممتعة جداً. مش فاهم لحد دلوقتي ليه في ناس متضايقه من الألفاظ الموجودة في الرواية على الرغم إنها تمثل الواقع ١٠٠٪؜، وبالعكس بتحسسك إنك عايش أحداث الرواية كأنك شخصية فيها، مش مُجرد قصة ممكن تrelate لجزئين تلاتة منها بس. أكتر نقطة عجبتني أوي هي أسلوب سرد الرواية، حرفياً مفيش لحظة ملل والفصول مترابطة مع بعضها، كأنك بتتفرج على فيلم.

Hassan Gamal

لم يضحكني شيء ما في حياتي كما أضحكتني تلك الرواية.

Mohamed Sherif 

أولى روايات بلال فضل و بصراحة مفيش أجمل من كده بداية، رواية مبهجة و مكتوبة حلو و تحس أنك أنت اللي جوه الأحداث مع البطل و تخبطاته و المشاكل اللي بتحلّ عليه. 

الرواية بجد مليانة ضحك بطريقة غير عاديه وفي نفس الوقت أحداثها مأساويه و تداخل العامية في النص مع الفصحى كان رائع و مفهوش أي زيادة عن اللازم. الشخصيات مختلفة من البطل اللي طول الرواية يصعب عليك على التوريطة اللي هو فيها، و أم ميمي اللي لا تكاد تخلو من أي حارة مصرية أصيلة و بذائتها و طول لسانها و تقلباتها العاطفية مع أبنها العزيز ميمي -اللي لم يبدو قط كعزت- و شعراوي الزِناوي اللي أستحق اللقب عن جداره مع بعض الصفات الحسنة زي أنه حكاء رائع زي ما بيوصفه البطل و زي ما تحس من خلال حكاياته و أبو سامية المعرص بكل ما أوتي من قوة و غيرهم.

وبعض القراء اللي مضايقين من الألفاظ الخارجة، الرواية كانت هتبقى رواية فانتازية لو الأحداث دي كلها حصلت ومفيش شتيمة يعني مثلاً خناقة البطل وأم ميمي مع صبحي وفاتن كانت هتبقى ازاي تطلع بالضحك والجمال ده كله من غير الشكل اللي طلعت بيه في الرواية.

الرواية فيها أفيهات تقدر توصفها بأنها "أفيهات بلالية" من اللي هي لو موجودة في فيلم من أفلامه هتعيش على الأقل خمسين ستين سنة جاية. في النهاية الرواية مبهجة جداً و بتحكي تجربة صعبة وأن البطل بتاعها رغم كل البلاوي دي كان بيعمل ملخصات لزمايله في الكلية و معروف أنه شاطر و فيها كمية ضحك رهيبة و نخص بالشكر الفتاة البولندية اللي خلت الرواية دي تطلع للنور. أنا عرفت خلاص لما أكون عايز أقرأ حاجه تخرجني من أي شعور سئ عرفت هقرأ ايه.

آية صلاح 

بلال حكاء ماهر لرواية ينقصها الكثير في ظني ، أستشعر النقص وإن لم أستطع توصيفه بعد ... :))

تساؤلات .. 
 هل الفرشة للشخصيات ومدخلاتهم النفسيه والشعورية والتكونية والبيئة والوصف الحقيقي للواقع يتطلب هذا القدر من الألفاظ المؤذية ؟ لا أظن، بالعكس كان في أوقات كثيرة بيقطع عليا شعور بيتولد أو ضحكة بتتكون ..

أين هو الراوي في الليلة دي بقي :D ؟ أين البيئة التي كونته ؟ يعني ما هي الخصومة الشديدة بينه وبين والده التي تولد عنده شجاعة الاستمرار في قراره للأعتماد علي نفسه برغم كل الهيصة المربكة دي ؟ شجاعة لم تظهر أصلا في أي موقف من المواقف التي تلت فيما بعد ... ايه الحدوتة :"D؟

هل لو خرج علينا بلال ذات يوم في سلسلة فديوهات بعنوان: " أم ميمي" وحكي لنا الحكاية من طقطق للسلام عليكم الأمر أو بسناريو وعمل درامي كان الأمر هيكون أمتع وأعمق ؟ ظني أنه آه لنفس العامل الي فوق إن فعل الحكي فيه مهارة جميلة ولكن الرواية ككل ينقصها ترابط معين بيجعلك مرتبك ..!

Marim Ebrahem

رواية أم ميمي "لبلال فضل" 😳

السبب الرئيسي لقرايتي ليها هو فضولي بصراحة بسبب الآراء إللي بسمعها عنها سواء السلبي أو الإيجابي والسلبي أكتر :D. 

- الرواية بطلها هو الروي نفسه شاب التحق بكلية الإعلام جامعة القاهرة وبيقرر بيستغل ده بإنه يستقل من سلطة أبيه ولما بيوصل القاهرة الظروف بتحتم عليه أنه يسكن عند "أم ميمي" وبتدور الأحداث وبيلاقي نفسه في وسط صراعات عائلة أم ميمي.
- الرواية جزء عامي وجزء فصحى، برغم أن أنا مببحبش العامية في الكتابة بس الرواية موصلتليش إحساس أني بقرأ عامية أسلوبها مترابط وطريقة السرد جميلة. 

- أسلوبها جريئ جدًا مش هنكر ده بس الألفاظ متوظفة صح تمامًا ومش منفرة أبدا. عجبتني جدًا جدًا.
Ig : marimwithbook

https://www.instagram.com/marimwithbook/

Mohamed Nagi

لا أستطيع أن أُنكر افتتاني الكبير بالقصة لدرجة التلهف في قرائتها وهذا مما لا شك فيه يوضح براعة بلال فضل كاحكاء ضليع يملك مفاتيح الحكي المُحكم والرواية وهذا كله بالرغم من الألفاظ الوضيعة السوقية اللتي يخجل الشخص حتي من تذكرها

Salma Sewlam

حبيت ان في رواية مصرية بالجرأة دي وممتعة كدا

Ussmaa muhammed

تحفة، كتاب ممتع اوي اوي بس فيه الفاظ خارجة كتير ممكن متعجبش بعض الناس

Kholoud Ayman

أول مرة أقرأ رواية عن قاع قعر المجتمع بالشكل دا، وأول مرة مضايقش من اللهجة العامية والألفاظ لانها كانت في محلها صح، مفيش تزيين او تلوين رواية واقعية واشخاصها واحداثها حوالينا بس بنحب نعمل مش واخدين بالنا.
+ ضحكت اوي واستمتعت بيها وإن كانت مليانة وقائع مؤلمة.

تنبيه: فيها ألفاظ +18

Lobna

مراجعة للرواية في بودكاست "قوم جلوس حولهم ماء" 

Spotify: 

https://open.spotify.com/episode/3AFB...

Anghami: 

https://play.anghami.com/episode/1048...

Google podcasts: 

https://podcasts.google.com?feed=aHR0...


Anchor: 

https://anchor.fm/lobna-alaa/episodes...

Mohamed gamal

لطيفة ظريفة خفيفة وروحها حلوة واسلوب شيق وقريب من النفس، ضحكني كتير بس طبعا الشباب الي بتضايق من الشتايم مش هتعجبها

ام ميمي

Reviews

Highlights