Name: 1919
ISBN: 9789770932926

دار الشروق

أحمد مراد

في رواية 1919 ، سيختطفك أحمد مراد في آلة زمن، ليهبط بك في حقبة تغلي فيها القاهرة بالأحداث.. وثبة زمنية إلى عالم متشابك يمسك المؤلف مقتدرًا بكل مفاتيحه؛ بين سعد زغلول وتعنت البريطانيين، قصة الوفد ومقهى «متاتيا» جماعة سرية تعمل تحت مقهى «ريش»، وعوالم البغاء المقنن.. شخصيات عديدة سوف تتعاطف معها أو تمقتها، أو تفعل الشيئين بلا تحفظ، بحوار مفعم بالحيوية حتى لتوشك على سماعه يتردد في أذنك، وتفاصيل تاريخية مضنية ودقيقة. سوف تدرك أن البعض ما زال مصرًّا على الجدية والإتقان.

1919

Aya Ahmed 

بالنسبه لى روايه مختلفه عن حقبه زمنيه مختلفه.. كئيبه بتبين السواد الى كنا عايشينه ايام الانجليز.. ونهايتها المأساويه تعبتنى.. رغم انها واقعيه جدااا.. كان ممكن اديها ٥ نجوم لولا الالفاظ الخارجه المتعارف عليها للاسف في اسلوب مراد .. 
٧/٢٠٢١

Sanaa Shaltout

أحمد مراد .. غير جلده شئ جميل وإن كان فيه بعض من الكلمات الخارجه ودا للاسف بقى عادي دلوقتى يعنى اتعلم من النقد اللى قبل كدا ودا جمييييييييييييل بردو

كرواية ممكن أكون عرفت شخصيات جديده بس اتأكدت إن التاريخ حقير بكل ما فيه وإن ما نتعلمه فى المدارس هو حشو للعقول بدون معرفة هل هو حقيقى أم كذب ...

السياسية لعبة حقيرو وقذرة أو كما يقول مراد السياسة فن . ف المَصلَحة ..فن الانحياز للأقوى.

لم أُعجب بشخصبة سعد زغلول نهائي 
حزنت كثيراً على دولت وورد :( وتذكرت ثُريا برواية رجم ثريا 
أحمد كيرة نهاية مأساوية 
نازلى .. صدمت بما فعلته بنفسها .. ولكن لكل شخص قدره على التحمل فليحاسبها الله وهو أعلم بها 
عبد القادر برغم عفويته إلا أنه أصلح من نفسه كثيرا
في النهاية السجن لا يصنع بطلاً ومن يقول السجن للجدعان أو للابطال لم يعرف معنى تذوق الظلم والسكوت عليه من اقرب المقربين له ...
في كل الأحوال لكِ الله يامصر .. فالكل خانوكي ياعزيزتى :(

Alaa ashraf

حقيقة :D 
هي الرواية عجبتني باستثناء حاجتين تلاتة اربعة كدا 

يعني مثلا الجانب اللي بيوضح الاحتلال و انه موضح ان السلاح الاقوي ليه الناس اللي في البلد نفسها .. مش محتاج تجيب حد من براا عشان توقعها .. غضب الشعب و الشباب ع الاحتلال .. و حاجات تانية 

جانب سعد و الوفد و اليد السوداء .. و بعض الناس اللي مش هاممها حاجة الا البلد 

احمد كيرة .. عبد القادر اللي اتحول من شخص " ضايع " و فتوة خادم للانجليز لورقة ضدهم .. دولت البت اللي بميت راجل 


الجانب السلبي بقي هو التاتش بتاع احمداللي اتعود عليه في كل رواية ليه .. احمد مراد من الناس لكويسة باستثناء انه بيبوظ كل حاجة حلوة بيهملها بجانب سئ زي ده بس باستثناء ذلك فهي عجبتني و عجبني موضوع الثورة و سعد زغلول و اختلاف فكر الناس الكبيرة عن الشباب .. الناس اللي بتسعي لحرية كلام ع ورق و مجرد ما يقعدوا ع كرسي محترم بيختلف الوضع تمام 
كما هو حالنا الان ...

Noha Abdelaziz

بسم الله الرحمن الرحيم 
*موسيقى تصويريه من فيلم عربي قديم يمثل ان مصر في حاله سياسيه يرثى عليها* 
حتت اكشن من الي هي ، نفس المشاهد الي في الفيلم العربي يتحول على هيئه رواية لطيفه فيها شويه احداث وبطل السياسه والمجروح والصديق الطاعن 
نبدأ الاول في لقطه ما قبل الروايه : كعادت الشعب المحب للهيصه والزحمه والموضه ، وهي موضة القرأه طبعاً والي بطلها في الساحه الايام دي هو احمد مراد بعد ماكسر الدنيا في الفيل الازرق وتراب الماس والبعض مدي شويه احترام لفيرتيجو كمان *محصلش* ، الرواااايه المنتتتتظره ، الحدث الاهم ، الرواية الي هتكسر الدنيا ، 
جميل اتعودنا بعد صفعات وكدمات من كتب اتعمل عليها فرح شعبي قبل ما نبدأ نقرأها اصلا او تنزل السوق بانها اروع روايات العالم ، ويضيف ويزيد انها توصل بانها تحقق اعلى مبيعات من اول ما تنزل مع ان سعرها يسد النفس عن الكتب اجممع :/ ، واااه من السعر الي لحد الانماعرفتش كان جاي تبع ايه بالضبط بس اعتقد والغالب السعر دا كله ثمن الشهره الحلوه والسهره قدام الافلام العربي والبيبسي المصروف في السهرات دي -_- وطبعا لا علاقة للسعر او حتى حفلة ما قبل الرواية بالروايه اساسا بس حقه الناس هي الي عملتلوا احلى جو عشان توصل بيها الدرجه انها تنزل تشتري الروايه اول ما تنزل والرواية ممكن تعرف احداثها في كتاب تاريخ من كتب اي عيل في ابتدائي ، او تفتح التلفزيون تتفرج على الاحداث دي وتصرف الخمسين جنيه دول في لوازم السهره قدام الفيلم والي ممكن متكملش 10 جنيه ، كفايه بقى حرقت دم وتحفيل بدون هدف على حاجات مالهاش لازمه وكفايه التتبع الاعمى للمووضه وانتوا مش مستفدين كلمه في الي بتقروه وكفايه موضة نظارات من كتر القرأه واذا سألت حد فيكم هيقولي قرأت كتير وبتتمثل في 5 روايات -_-
ثانيا ندخل في موضوع الروايه وبعيدا عن حرقة الدم الي بيتحرقها الواحد كل ما يفتح يشوف له حاجه يقرأها :/ 
موضوع الروايه وطريقه الكاتب : موضوع الرواية كما اشرت سابقا هو موضوع اتهرس ميت مره في كتاب تاريخ من كتب اعدادي ملوش اي جديد موضوع نسبه الي مش عارفينه تيجي 0.1% من الشعب ، بس ك اسلوب راوي ف هو ممل -_- ودقة التفاصيل المثيره احيانا للنفوور من فكره تكملة القرأة وبتكمل وانت عارف النهايه ومتوقعها وشايفه قدامك بتحصل بس عامل نفسك هندي عشان مايضايقكش الوقت الضايع ولا الفلوس الضايعه دا لو عملتها واشتريتها :3 
مش هظلم الرواية وهقول انها فشلت فشل تام ، وانما كان في نقاط حلوه جدا فيها وباسلوب حلو بدأ يبسط فتره تاريخيه مرتبطه اكتر بالفتره الي احنا بنمر فيها واذا ركزت فيها هتلاقي المواقف بتمر زي ماهي وممكن تسبب في اكتئاب لما تكتشف حاجات جوا جوا سطور الرواية 
مش قادره امدح اكتر من كدا مش كرها في الكاتب ولكن كرها في الي حفله الي حصلت عليه وعلى الفاضي ولكن تبقى من الروايات الكويسه والي بتشوف فيها تحسن كبير من الكاتب من وقت روايتة الاخيره ، وبتحس فيها انها بتنعش ذاكرتك التاريخيه دا لو عندك واحده لو معندكش ف اعتقد هي جميله كفايه انك تكون فكره تاريخيه بس مش رأي سياسي عن البطل ..
شكراً للصدفه لوصولك عندي  لا انصح بها احد ولكن ارشحها ضمن الروايات التاريخيه المنعشه لا المضيفه ^^

Kareem ElBatrawy

ما أشبه اليوم بالبارحه
الثورات يخططها الدهاه، ينفذها الشجعان و يكسبها الجبناء - نجيب محفوظ

روايه تأخذك الى زمن مختلف فى التاريخ متشابه فى الأحداث
تعيش معها بكل تفاصيل مصر، شوارعها..حواريها..منازلها..مقاهيها..ملاهيها الليليه..بيوت الدعاره المرخصه..قصورها..المعسكرات الإنجليزيه..المقاومه..المستفدين من الاحتلال..الخانعين للاحتلال..المنافقين للسلطه..الناقمين على كل شئ
مجهود رائع..تدقيق فى الاحداث..لكن الرائع فى الروايه هو خلط خط درامى بأحداث و شخصيات حقيقيه!!

1919

Reviews

Highlights