Name: Bukst̲t̲āḷjia
ISBN: 9788182664463

On pleasure of reading; books and a personal history of book reading by a reputed literary critic in Malayalam.

Bukst̲t̲āḷjia

Rakesh S

ബുക്സ്റ്റാൾജിയയിൽ എഴുത്തുകാരന്റെ ഗൃഹാതുരത്വമുണ്ട്. ത്യാഗികളുടെ കദനകഥയുണ്ട്. സാഹസികരുടെ പ്രയാണങ്ങളുണ്ട്. മലയാളിയുടെ നന്ദികേടുകളുടെ ഒരു പരമ്പര തന്നെയുണ്ട്. പൂർണമായി ഒരു ചരിത്രപുസ്തകമല്ലെങ്കിൽക്കൂടി, ബുക്സ്റ്റാൾജിയയിലെ പല ലേഖനങ്ങളിലും കേരളത്തിലെ അച്ചടിയുടെയും പ്രസാധനത്തിന്റെയും അധികം പറഞ്ഞുകേട്ടിട്ടില്ലാത്ത സാംസ്കാരിക ചരിത്രം കാണാൻ കഴിയും. അച്ചടിയുടെ ചരിത്രവും അരികുകളുടെ പുസ്തകങ്ങളും കൂടാതെ ചില വായനാശീലങ്ങളും ബുക്സ്റ്റാൾജിയ പങ്കുവെയ്ക്കുന്നുണ്ട്. പുസ്തകങ്ങളുടെ അരികുകളിൽ എഴുതുന്ന ശീലത്തെയും മാർജിനാലിയയുടെ പ്രസിദ്ധവും രസകരങ്ങളുമായ കഥകളും ഏറെ ശ്രദ്ധേയമാണ്. ഓർമകളിലൂടെയും മറവിലൂടെയും സഞ്ചരിക്കുന്ന ബുക്സ്റ്റാൾജിയ മലയാളിയുടെ സാംസ്കാരികചരിത്രത്തിലേക്ക് ഉള്ള അന്വേഷണം കൂടിയാണ്. ഇത് ഗൃഹാതുരത്വം ആണെങ്കിൽ അത് എഴുത്തുകാരന്റെ മാത്രമല്ല, വായനക്കാരന്റെ കൂടിയാണ്.

Hrishikesh Bhaskaran

വായിച്ചു കഴിയുമ്പോൾ, കഴിഞ്ഞുപോയല്ലോയെന്ന് സങ്കടം തോന്നുന്നതരം പുസ്തകങ്ങളിലൊന്നാണ് ബുൿസ്റ്റാൾജിയ. പുസ്തകങ്ങളെക്കുറിച്ചുള്ള ഒരോർമ്മപ്പുസ്തകമാണിത്. പഴയ ആ റഷ്യൻ പുസ്തകങ്ങളേയും ചിത്രകഥകളേയും ഡിറ്റക്റ്റീവ് നോവലുകളേയുമൊക്കെ പറ്റിയുള്ള കുറിപ്പുകൾ വായിച്ചാൽ ഒരു കാലത്തിന്റെ മണവും നിറവുമൊക്കെ ഉന്തിത്തള്ളിവരും മനസ്സിൽ. അച്ചടിയുടെ രേഖപ്പെടുത്താതെപോയ ചരിത്രത്തിലേക്കുള്ള എത്തിനോക്കലുകളായ ലേഖനങ്ങളിലൂടെ കടന്നുപോവുമ്പോൾ ആ പുണ്യാത്മാക്കളെ രേഖപ്പെടുത്തി വെക്കാത്ത പാപത്തിന്റെ പങ്ക് എനിക്കുമുണ്ടല്ലോയെന്ന ജാള്യതയനുഭവപ്പെടും, പുസ്തകപ്രസിദ്ധീകരണം നഷ്ടക്കച്ചവടമായിരുന്ന, യാത്രാസൗകര്യങ്ങളേതുമില്ലാത്ത കാലത്ത് മലയാള പുസ്തകമച്ചടിക്കാൻ വേണ്ടി മാത്രം കോഴിക്കോടുനിന്ന് തിരുവനന്തപുരത്തേക്കും തിരിച്ചും യാത്ര ചെയ്ത ആ തമിഴന്മാരായ അച്ഛനെയും മകനെയുമോർത്ത് അത്ഭുതം കൂറൂം. ശ്രീകണ്ഠേശ്വരത്തോടും മറ്റ് പലരോടും നാം ചെയ്ത നന്ദികേടോർത്ത് തല കുനിയും. 

മലയാളപുസ്തകങ്ങൾ‌ വായിക്കുന്ന എല്ലാവർക്കും നിറഞ്ഞ മനസോടെ റെക്കമന്റ് ചെയ്യുന്നു. - A MUST READ!!

Bukst̲t̲āḷjia

Reviews

Highlights