Name: أوسكار والسيدة الوردية
ISBN: 9789933484026

Éric-Emmanuel Schmitt

أوسكار والسيدة الوردية

Youmna

5 نجمات وقلب كبير لل Audio book السريع والصغير جدا لكن مؤثر وجميل دخل قلبي مباشرة .. 
اوسكار الجميل اللي اسئلته مبتخلصش وماما الوردية اللي عندها جواب علي كل سؤال ليه .. وعلاقته ب ربنا اللي بتتحول لشئ جميل كل شوية وتساؤلات كتير ..
 كانت رحلة ممتعة للغاية :')
___________________________
عزيزي ربنا
أنا متشكر إنك زرتني انت اخترت اللحظة المناسبة، اللحظة اللي كانت فيها كل حاجة في حياتي ماشية غلط.إوع تكون زعلت من جواب امبارح...
لمّا صحيت افتكرت إن أنا بقى عندي 90 سنة و لفيت دماغي ناحية الشبّاك أبص على التلج...و لمّا خمّنت إنك جيت، الصبح طلع، كنت لوحدي على كوكب الأرض..الدنيا كانت بدري لدرجة إن حتى الطيور كانت لسّة نايمة والممرضة النوباتجية مدام ديوكريو كانت بتشخّر.
شفتك و انت بتحاول تعمل الشروق وكان صعب عليك بس إنت أصرّيت فالسما وشها راح مخطوف و رحت انت نافخ في الهوا اللون الأبيض و الرمادي و الأزرق لحد ما زحزحت الليل و رجعت الحياة للدنيا من غير ما تقف لدقيقة واحدة.ساعتها بس فهمت الفرق بينك و بيننا: إنت واحد عمره ما بيزهق!عمره ما بيتعب.دايماً قاعد بتشتغل!خدوا عندكو آدي الصبح!آدي الليل!دلوقت هيبقى ربيع!و دلوقت شتا! و آدي بيجي بلو!و آدي أوسكار!و ماما الوردية!يااااه.
أنا حسيت بيك هنا و فهمت إنك هنا.إنت فتحت لي سرّك:بُص دايماً على العالم زي ما تكون بتشوفه لأول مرّة.لمّا اتبعت نصيحتك دي و حاولت أمشي عليها وعيت لأول مرة على النور و الألوان و الطيور و الحيوانات.حسيت بالهوا اللي باتنفسه و هوّ بيملا مناخيري.سمعت الأصوات اللي في الطرقة و كأنها أصوات جايّة من تحت قبّة كاتدرائية.حسيت إن أنا عايش. و اترعشت من الفرحة الحقيقية.فرحة الحياة ، اترعشت من سعادة الوجود.كنت طاير من السعادة. 
شكراً يا ربّنا إنك عملت كل ده علشاني.حسيت إنك خدتني من إيدي و بتتمشى بي في قلب سر الوجود علشان أفهم معناه.متشكر.

Rana Ahmad

اختيار الكاتب انه يترجمه بالعاميّة اختيار موفّق 
الكلام والأحساسيس للطفل ده وكل حاجة 
الرواية جميلة بجد 
كل حاجة حلوة

أوسكار والسيدة الوردية

Reviews

Highlights