Perumāḷmurukan̲

Arttanāri

Prakash Rajendran

ஒருவரின் மன முதிர்ச்சிக்கு அவர் வாழும் கால கட்டம், அவர் பழகும் நண்பர்கள்/உறவுகள் வட்டம், அவர் எதிர்கொள்ளும் சவால்கள், ஏமாற்றங்கள், வெற்றிகள் முக்கிய பங்களிக்கிறது. 

அம்மாவால் தடுக்கப்பட்ட பின் வாழ்ந்தாக வேண்டி வாழ முயற்சிக்கும் காளியின் மன நிலை, அவனின் எண்ண ஓட்டம் தான் அர்த்த நாரி நாவல் முழுவதுமே. 

பொன்னாவை மன்னிக்க முடியாமல் அல்லது மன்னிக்க தெரியாமல் உழலும் காளி, நல்லையனுடன் மேற்கொள்ளும் குறுகிய பயணத்தில் பெரும் எண்ண மாற்றங்களை சந்திக்கிறான். வீடு திரும்பியதும் மாறுகிறானா?

மனதுக்குப் பிரியமானவர்கள் செய்பவை ஒருபோதும் தப்பாகத் தோன்றுவதே இல்லை. அப்படியே தோன்றினாலும் அது எத்தனை பெரிய தப்பாக இருந்தாலும் நெற்றியில் வந்து விழும் மயிரை அசட்டையாக விரல் ஒதுக்குகிற மாதிரி தள்ளிவிடுகிறது பிரியம்.

பொன்னாவின் பிரியம் இப்படிப்பட்டது. காளியிடம் இதே மாதிரி பிரியத்தை எதிர்பார்ப்பது நியாயம் தான்.

நல்லெண்ணத்தினால் உந்தப்பட்டு அண்ணன் சொல்லிய பொய் வார்த்தையை நம்பி இறங்கிய செயலுக்குபின், ஏமாற்றப்பட்டதை உணர்ந்தவுடன் எல்லாவற்றையும் தூக்கி எறிந்துவிட்டு காளிக்கு காத்திருந்து காத்திருந்து அவள் பயணிக்கும் காலம் வெகுதூரம்.

தன்னுள் உருவாகும் உயிரை அது உயிர்க்கும் தருணத்தை பொன்னா உணருவதை எழுத்தாக்கிய இடம் வெகு சிறப்பு!
 

  பொன்னாவை பாதியாய் கொள்ளும் அர்த்தநாரியாய் ஆக காளிக்கு வாய்ப்பு இருக்கிறதா?

Arttanāri

Reviews