Ricky Lee

Lahat ng B

rian

★★★★ // parating highlight ng librong ito kung gaano kasakit umibig. at talagang masakit nga pag binabasa mo ang nangyayari sa mga kwento nina Irene, Sandra, Erica, Ester, Bessie, at Lucas. sa karugtong na ito ng Para Kay B ay muling binalikan ang kwento ng mga tauhang ito. gaya ng dati, sila ay binubugbog pa rin ng pag-ibig. gaya ng dati, isa lang din sa limang kwento ang nagtagumpay. strange enough, ang nagtagumpay na kwento ang medyo hindi ko gaanong nagustuhan.

paborito ko pa rin ang kwento ni Irene. kung paanong ang matagal na inaasam mong pag-ibig ay may katapusan din kahit pa nakuha mo na. minsan, hindi talaga sapat ang pagmamahal lang. 

sa kwento naman ni Sandra, hindi pa rin ako kumportable sa incest element kaya ang hirap basahin. parati akong uneasy dito kahit pa sa Para Kay B. nauunawaan ko ang sakit na nararamdaman nila, pero hindi ko magawang mag-simpatiya. masakit lang ang puso ko para kay Ruben.

at si Lucas. hanggang ngayon ay ginugupo pa rin ng letrang B. hanggang sa kamatayan ay bitbit niya ito. hanggang binubuhay siya ng kwento ay mamahalin at mamahalin niya si Bessie.

totoong masakit ang pag-ibig na dala-dala sapagkat hindi naibibigay. may mga taong pinipiling palayain ang kanilang sarili. habang ang iba naman ay kinakaya pa rin ang bigat.

sa huli, kung anong pagmamahal ang tinatanggap natin ang siyang huhubog ng ating pagkatao. sa huli, kung anong pagmamahal ang pipiliin natin ang siyang tunay na magpapalaya sa atin.

Lahat ng B

Reviews