Susanna Tamaro

اذهب حيث يقودك قلبك

Sanaa Shaltout

أنا بحب حياة الناس الكبيرة "الجد والجدة"، وبحب أتكلم مع جدتي كتييير
دايمًا تحكيلي عن حياتها زمان، واللي حصلها، وفي الآخر ممكن تقولي حكمة، وممكن متقولش بس الحكاية والكلام كله بيكون له مدلول ومعنى.

بحب جدتي وهي بتدعيلي دعاء خاص: "ربنا يرزقك رزق فاطمة بنت النبي، ويرزقك سعادة فاطمة بنت النبي"..
حقيقي لما بتدعي الدعاء دا بيجي في بالي تفكير واحد أو سؤال يا ترى أي رزق وسعادة اللي هعيشها وهتبقى زي فاطمة بنت النبي عليه الصلاة والسلام...

جدتي الأيام دي بقيت بتنسى كتيير، هي عرفاني وفكراني بس ممكن في دقيقة تسألني السؤال 3 مرات وكأنها أول مرة تسأله، وبرد عليها كإني أول مرة أسمعه عادي جدًا...

بس لسه بحب كلامها وبحكيلها عن اللي جوايا، علاقتي بيها مش زي البطلة وحفيدتها، لأ.. هي علاقة كويسة الحمد لله.

الرواية دي متعبة حقيقي.. مش لجمالها .. لأ هي عادية جدًا بس صادمة، صادمة لأنها بترسملك المستقبل والماضي والحاضر
بتوجعك من جوه.. بتقولك أنت أهو
زمان كنت كدا، ودلوقتي عايش كدا، وبكرة تعدي الأيام وهتبقى كدا

فحاول تلاقي نفسك وتفوق.

شكرًا سوزانا<3

اذهب حيث يقودك قلبك

Reviews